Një 66-vjeçar ka goditur me thikë kamerierin e një fast fond-i në Lushnje. Ngjarja ka ndodhur në lagjen “Xhevdet Nepravishta”, gjatë një konflikti të çastit.
Sipas policisë, 66-vjeçari në gjendje të dehur goditi kamerierin 22-vjeçar me inicialet L. M. Ky i fundit është transportuar në spitalin e Lushnjes për mjekim të specializuar.
“Rreth orës 12:40, në ambientet e një fast food-i, në lagjen “Xhevdet Nepravishta”, dyshohet se gjatë një konflikti të çastit, për motive të dobëta, shtetasi A. C., 66 vjeç, në gjendje të dehur, ka goditur me mjet prerës (thikë), shtetasin L. M., 22 vjeç, kamarier në këtë fast food. Menjëherë pas marrjes së njoftimit, shërbimet e Policisë kanë kapur dhe shoqëruar shtetasin A. C., në Komisariat. Shtetasi L. M. po merr mjekim në spitalin e Lushnjës. Po kryhen veprimet nga grupi hetimor, për zbardhjen e plotë të rrethanave të ngjarjes”-njofton policia.
