Një sherr i frikshëm ka ndodhur sot mes dy personave në qendër të Athinës, në Greqi, ku janë përdorur edhe armët.
Sipas mediave greke, ngjarja ndodhi në lagjen ‘Ampelokious’, ku një polic i dalë në pension qëlloi tre herë ndaj pronarit të një qendre palestre.
Të shtënat me armë u paraprinë nga një sherr i madh mes tyre, ndërsa disa media raportojnë se i plagosuri vdiq në spital.
Autori u largua nga vendngjarja, kurse policia greke ka arrestuar 3 persona deri tani.
