Në orët e para të mëngjesit të së dielës dy grupe të rinjsh janë përplasur në lokalin Folie Marine në Jalë.
Rreth orës 2 të mëngjesit raportohet se dy grupe në zonën VIP të lokalit kanë nisur një grindje me grushte me njëri-tjetrin.
Sipas dëshmitarëve situata precipitoi edhe në përdorimin e armëve pasi kishin dëgjuar të shtëna. Megjithatë burime nga policia thonë se nuk janë gjetur gëzhoja në vendngjarje.
Kjo situatë ka krijuar panik te klientët e tjerë të pranishëm në lokal të cilët janë futur poshtë tavolinave.
E vetmja e plagosur nga kjo ngjarje është një shtetase e cila sipas burimeve është plagosur nga një shishe që është hedhur gjatë sherrit. /Opinion.al
