Të shtëna me armë zjarri janë regjistruar pasditen e kësaj të premteje në Kukës . Mësohet se gjatë konfliktit mes dy fqinjëve, një prej tyre ka qëlluar me armë teksa ishte në gjendje të dehur.
Sipas informacioneve, personi që ka qëlluar me armë është identifikuar si Behar Elezi, person me precedent penal. Ai nuk është dorëzuar pas thirrjeve të policisë dhe ka tentuar të largohet.
Elezi, pasi është konfliktuar për motive të dobëta me fqinjin e tij, shtetasin R. S., është larguar në banesë, ka marrë armën e zjarrit dhe ka shkuar në banesën e shtetasit R. S., duke qëlluar me armë.
Për pasojë ka dëmtuar mjetin e shtetasi R. S. dhe mjetin e një personi tjetër që ishte në lëvizje.
Ndërkohë, autori është shoqëruar në polici, ndërsa është sekuestruar nën cilësinë e provës materiale arma e zjarrit automatike dhe një sasi municionesh./ Opinion.al
