Në plazhin e Ksamilit ka ndodhur një konfikt për motive të dobëta midis pronares së një lokali dhe punonjësit të saj, i cili ka përfunduar në spital.
Në konflikt janë përfshirë edhe dy vëllezërit e pronares me iniciale A.S, të cilët kanë ushtruar dhunë fizike dhe kanë goditur me sende të forta shtetasin me iniciale A.M.
Punonjësi është transportuar për në spital për të marrë ndihmën e nevojshme mjekësore. Ndërkohë që policia ka shpallur në kërkim vëllezërit V.L dhe E.L për veprën penale “Plagosje e lehtë me dashje”.
Policia tha se sherri ka ndodhur për motive banale pasi punëtori i kishte kthyer fjalën pronares.
*foto ilustruese
