Punimet e Komisionit të Medias, që po mbahen aktualisht në Kuvend, janë përshkuar nga një përplasje e fortë midis anëtarëve të opozitës dhe Ministrit të Brendshëm Sandër Lleshaj, i cili është ftuar në komsion të japë shpjegime mbi futjen e Policisë në Universitete.
Në një moment të debateve në komision, Ministri Lleshaj ka refuzuar tu përgjigjet pyetjeve të drejtuara nga deputetja Kejdi Mehmetaj.
Ministri Lleshaj është dëgjuar ti drejtohet deputetes Mehmetaj me fjalët: “Nuk u përgjigjem pyetjes së një deputeteje që nuk ka mbaruar shkollën”.
Ky moment ka sjellë edhe reagimin e deputetëve të opozitës, që i kanë kujtuar ministri Lleshaj se po flet me një deputete të zgjedhur.
“Tani e kuptojmë se kush e futi policinë në Universitete, dhe kush ju përdor që të flisni me këtë gjuhë. Unë ju sugjeroj që të kërkoni faljem ndryshe do vinë studentët tju tërheqin nga zyra”, iu drejtua Mehmetaj, ministri Lleshaj. D.l
