Ka nisur me debate mbledhja e Këshillit të Mandateve, ku po shqyrtohet kërkesa e SPAK për arrestimin e ish-ministrit Arben Ahmetaj dhe kontrollit të banesës së tij.
Në debat është përfshirë deputeti i PD Gazmend Bardhit dhe deputetja socialiste Ermonela Felaj.
Teksa po diskutohej nëse seanca duhet të zhvillohej e hapur për publikun apo jo, kryetari i Grupit Parlamentar i është përgjigjur fyerjeve të deputetes socialiste duke i kujtuar se emri i saj është në dosjen e sjellë nga SPAK.
“Emri yt është në këtë dosje. Ti ke frikë sepse emri yt është në dosje. Lëri njerëzit të kuptojnë që ti njësoj si Ahmetaj ke qenë pro ndërtimit të inceneratorëve. Je në konflikt interesi!” u shpreh Bardhi.
Më tej Bardhi tha: Mazhoranca ka frikë që shqiptarët të mësojnë të vërtetën për inceneratorët! Mazhoranca po ndihmon Ahmetaj që të arratiset dhe SPAK mos ta kapë atë!/Opinion.al
