Dy persona kanë mbetur të plagosur gjatë një konflikti në Sukth të Durrësit.
Mësohet se një person është qëlluar me thikë dhe ndodhet në spital ku po merr mjekimin e nevojshëm.
Po ashtu, në spital ndodhet dhe autori i ngjarjes pasi ka pësuar lëndime gjatë konfliktit.
Njoftimi i Policisë
Më datë 07.10.2020, rreth orës 14:30, në Sukth, Durrës, pas një konflikti të çastit për motive të dobëta, është goditur me mjet prerës (thikë) shtetasi E.Ç., i cili është dërguar në spital nën kujdesin e mjekëve.
Autori i dyshuar i kësaj ngjarje është shtetasi M.M., i cili ndodhet në spital për ndihmë mjekësore pasi është lënduar si pasojë e konfliktit.
Grupi hetimor ndodhet në vendngjarje dhe po punon për zbardhjen e ngjarjes, të dy palët e konfliktit ndodhen nën mbikqyrjen e Policisë deri në zbardhjen e plotë të rrethanave të ngjarjes.
