Plagoset rëndë me armë një shqiptar në Itali si pasojë e një sherri që ka degjeneruar me përdorimin e armëve.
Mediat italine, kanë bërë me dije, se shqiptari është qëlluar me armë zjarri nga disa të rinj italianë.
Po nga të njëjtat burime, mësohet se ngjarja ka ndodhur jashtë një diskoteke në Napoli, ndërsa sherri me shumë gjasa ka nisur që brenda.
Sipas mediave italiane, shqiptari është konfliktuar me fjalë me një të ri italian, ku më pas, sherri ka përfunduar në dhunë dhe në përdorimin e armëve mes tyre.
Bëhet me dije se shqiptari është plagosur rëndë dhe pritet një ndërhyrje kirurgjikale.
Identiteti i shqiptari nuk bëhet i ditur, por referuar të dhënave të raportuara nga mediat, ai është 38 vjeç. Për plagosjen e shqiptarit, tre persona janë shpallur në kërkim.
