Policia ka mundur të parandalojë përshkallëzimin e një konflikti mes tre të rinjve në Kuçovë. Sipas njoftimit të policisë dy të rinj në lagjen “11 Shkurti” të Kuçovës po konfliktoheshin për motive të dobëta me një person tjetër.
Për pasojë në prangat e bluve kanë rënë 31-vjeçari me iniciale R.Gj dhe 22-vjeçari me inciale Xh.D, ndërkohë që personi i tretë 25-vjeçari Xh.K, me të cilin po konfliktoheshin dy të rinjtë, ka mundur të largohet nga vendngjarja duke lënë makinën e tij.
Gjatë kontrollit të ushtruar në mjetin e 25-vjeçarit me iniciale Xh.K u gjet një armë zjarri tip automatik, e cila u sekuestrua në cilësinë e provës materiale.
Materialet iu referuan për veprime të mëtejshme Prokurorisë së Rrethit Gjyqësor Berat për veprat penale “Mbajtja pa leje e armëve luftarake dhe e municionit” dhe “Kanosje e kryer në bashkëpunim”.
Njoftimi i Policisë:
Ndërhyrja në kohë e Policisë parandalon përshkallzimin e mëtejshëm të një konflikti me pasoja të rënda për jetën midis tre të rinjve.
Në pranga dy shtetas, një tjetër shpallet në kërkim.
Sekuestrohet një armë zjarri automatikë.
Shërbimet e Komisariatit të Policisë Kuçovë, kanë mbërritur menjëherë në vendin e ngjarjes pas marrjes së njoftimit se në lagjen “11 Shkurti” në Kuçovë, shtetasit R. Gj., 31 vjeç, dhe Xh. D., 22 vjeç, për motive të dobëta po konfliktoheshin me shtetasin Xh. K., 25 vjeç.
Shërbimet e Policisë parandaluan përshkallzimin e mëtejshëm të konfliktit duke neutralizuar dhe arrestuar në flagrancë dy prej të rinjve, shtetasit R. Gj., 31 vjeç, dhe Xh. D., 22 vjeç, ndërkohë që shtetasi tjetër Xh. K., 25 vjeç arriti të largohej duke lënë në vendngjarje mjetin e tij. Gjatë kontrollit të ushtruar në mjetin e shtetasit Xh. K., shërbimet e policisë gjetën një armë zjarri automatikë e cila u sekuestrua në cilësinë e provës materiale.
Materialet iu referuan për veprime të mëtejshme Prokurorisë së Rrethit Gjyqësor Berat për veprat penale “Mbajtja pa leje e armëve luftarake dhe e municionit” dhe “Kanosje e kryer në bashkëpunim”./Opinion.al/
