Tre persona janë përfshirë në sherr pasditen e djeshme në Triport të Vlorës (vendi ku qendrojnë varkat e peshkatarëve), për pasojë një person mbeti i plagosur.
Policia tha se eëhstë arrestuar 27 vjeccari Janaq Karavoqiri banues në Nartë si dhe një person tjetër me iniciale K.K. Sipas policisë, ata kanë goditur me thikë shtetasin E.A 34 vjeç, i cili ndodhet në Spitalin Rajonal Vlorë jashtë rrezikut për jetën. Mësohet se të tre janë peshkatarë që punojnë në këtë zonë dhe sherri mund të ketë lidhje me punën.
Gjithashtu këta shtetas kanë kundërshtuar punonjësit e policisë të Stacionit Triport duke mos iu bindur urdhrit të tyre.
Materialet u referuan në Prokurori për veprat penale “Plagosja e lehtë me dashje, e kryer në bashkëpunim” dhe “Kundërshtimi i punonjësit të policisë së rendit publik”, parashikuar nga nenet 89, 25 dhe 236 të Kodit Penal.
