Policia e Himarës ka nisur procedimin penal ndaj një 57-vjeçari, pasi gjatë një konflikti për vëllain e tij ka qëlluar në ajër me armë gjahu.
Policia bën me dije se ngjarja ka ndodhur në fshatin Vranisht, por nuk jep detaje në lidhjet me shkaqet e konfliktit.
“Specialistët për Hetimin e Krimeve në Komisariatin e Policisë Himarë referuan materialet në Prokurori dhe nisën procedimin penal për shtetasin S. R., 57 vjeç, pasi në fshatin Vranisht, gjatë një konflikti me vëllain e tij, shtetasin B. R., e ka kanosur këtë të fundit duke gjuajtur në ajër me armë gjahu. Arma u sekuestrua në cilësinë e provës materiale”-njofton policia.
