Dy vëllezër dhe dy shtetas të tjerë janë konfliktuar me njëri-tjetrin në Milot dhe si pasojë është dëmtuar me mjet prerës një 30-vjeçar.
Mësohet se 30 vjeçari i cili është dërguar në spital për mjekim, ndodhet në gjendje jashtë rrezikut për jetën.
“Rreth orës 14:55, në Milot, dyshohet se janë përfshirë në një konflikt të çastit, shtetasit E. K., K. K. (vëllezër), G. K., të tre banues në Milot dhe A. A., banues në Malbardhë.
Si pasojë është dëmtuar, dyshohet me mjet prerës, shtetasi A. A., rreth 30 vjeç, i cili është dërguar në spital, për mjekim, në gjendje jashtë rrezikut për jetën.
Shërbimet e Policisë po kryejnë kontrolle në zonë, për kapjen e shtetasve të përfshirë në konflikt”, njofton policia.
Ndërkohë, grupi hetimor po kryen veprimet për zbardhjen e rrethanave të konfliktit./Opinion.al
