Fiorentina po e shfrytëzon në maksimum rolin e lideres në shtëpinë e çifteve, një pozicion që ka krijuar jo pak pakënaqësi tek banorët e tjerë.
Diçka e tillë i ka rënë në sy edhe partnerit të saj, Olsit, i cili në një moment të caktuar nuk ka duruar dot më dhe ka shpërthyer ndaj saj.
“Po mbylle atë gojë se më çmende. Po e kanë pirë se kanë pirë, le ta pinë. Mos ta dëgjoj më fare. Je bërë si pronar shtëpie”, ka qenë reagimi i Olsit, pasi Fiorentina komentoi mbarimin e qumështit. Pas këtij momenti Fiorentina, i ka kërkuar falje Olsit.
Ndërsa pak më vonë, Fiorentina gjatë një diskutimi me Kein është shprehur për një person që ka lënë jashtë shtëpisë dhe ka merak sesi do duken veprimet e saj nga jashtë. Nuk dihet nëse ajo e ka pasur fjalën për një të dashur që mund të ketë lënë jashtë, pasi në program është paraqitur çifti me Olsin.
