Një sherr midis dy adoleshentëve është regjistruar në Durrës, ku një 15-vjeçar ka mbetur i plagosur.
Mësohet se 15-vjeçari me iniciale A.Ç ka plagosur me thikë në këmbë bashkëmoshatarin e tij. I plagosuri ndodhet nën kujdesin e mjekëve, ndërsa policia shoqëroi autorin e dyshuar.
“Rreth orës 08:15, në lagjen nr.15 Durrës, shtetasi A. Ç., 15 vjeç, gjatë një konflikti për motive të dobëta, ka goditur me thikë në këmbë një bashkëmoshatar të tij, i cili ndodhet nën kujdesin e mjekëve.
Falë ndërhyrjes së menjëhershme të shërbimeve Policisë u bë e mundur kapja dhe shoqërimi në ambientet e Policisë, e autorit të dyshuar, shtetasit A. Ç.
Grupi hetimor po punon për zbardhjen e rrethanave të ngjarjes”, njofton policia.
