Një sherr banal mes dy adoleshentësh ka përfunduar me një të plagosur në gjendje të rëndë. 15-vjeçari L. B., pas një konflikti për motive të dobëta me 17-vjeçarin M. M., i ka ngulur kaçavidën në kokë këtij të fundit. Ngjarja ndodhi në një lokal në Babrru.
Sipas dëshmitarëve gjithçka nisi për pyetjen “pse më shikon?”. 17-vjeçari është në gjendje të rëndë për jetën në reanimacion në Spitalin e Traumës, ndërsa dyshohet se kaçavida i ka prekur trurin.
Njoftimi i policisë
Më datë 17.10.2016, u arrestua shtetasi L. B., 15 vjeç, banues në Tiranë, tek një bar kafe në Babrru, pas një konflikti për motive të dobëta, dyshohet se ka goditur me kaçavidë në pjesën e kokës shtetasin M. M., 17 vjeç, banues në Tiranë, i cili ndodhet i shtruar në reanimacion në Spitalin e Traumës, në gjendje të rëndë për jetën. Parashikuar nga Neni 88 i Kodit Penal.
