Një person ka humbur jetën këtë pasdite në Sarandë, pasi është qëlluar me thikë. Ngjarja ka ndodhur rreth orës 18:30 në lagjen Nr.1 të qytetit, sipas informacioneve paraprake pas një sherri mes disa personave.
Ende nuk dihet identiteti i viktimës.
Njoftimi nga policia
Sot, rreth orës 18:30, në lagjen Nr.1, Sarandë, dyshohet se gjatë një konflikti të çastit, ka mbetur i dëmtuar me mjete prerëse një shtetas ende i paidentifikuar, i cili pasi është transportuar në spitalin e Sarandës, si pasojë e dëmtimeve të marra ka ndërruar jetë.
Shërbimet e Policisë dhe grupi hetimor kanë shkuar menjëherë në vendngjarje dhe po vijojnë punën intensive për zbardhjen e plotë të rrethanave të ngjarjes, identifikimin dhe kapjen e autorit si dhe identifikimin e shtetasit që ka ndërruar jetë.
