Një sherr me thika ka ndodhur, mëngjesin e djeshëm, në Shënvlash, Durrës, ku një person ka mbetur i plagosur dhe dy vëllezër janë arrestuar.
Policia ka bërë të ditur se rreth orës 10:00, në fshatin Shënavlash, tek tregu i makinave dy shtetas, për motive të dobëta kanë goditur me thikë 32-vjeçarin me inicialet B. L., banues në Sallmone Shijak.
I plagosuri ndodhet në Spitalin Rajonal të Durrësit nën kujdesin e mjekëve.
Policia ka shkuar menjëherë në vendngjarje dhe ka punuar për mbledhjen e provave materiale, pyetjen e dëshmitarëve me qëllim zbulimin e autorëve.
Në pranga janë vënë dy persona, E. C., 17 vjeç dhe A. C., 15 vjeç, banues në Durrës. Autorët e dyshuar janë vëllezër me njëri-tjetrin.
Në cilësinë e provës materiale është sekuestruar edhe mjeti i kryerjes së veprës penale, thika.
Policia vijon hetimet.
