Arrestohet në flagrancë Qemal Peqini ,19 vjeç, banues në lagjen “Beqir Dardha”. Arrestimi i këtij personi u bë pasi, në lagjen “28 Nëntori”, në ambientet e jashtme të një lokali për motive të dobëta, ka goditur me mjet prerës, thikë A.Ç., 19 vjeç, dhe e S.T., 18 vjeç, banues në lagjen “28 Nëntori”.
Të plagosurit janë transportuar menjëherë në Spitalin Rajonal të Elbasanit, dhe ndodhen nën kujdesin e mjekëve, jashtë rrezikut për jetën. Shërbimet e Policisë kanë shkuar menjëherë në vendngjarje, ku edhe kanë identifikuar e kapur autorin.
Ndërsa materialet i kaluan Prokurorisë pranë Gjykatës së Shkallës Parë Elbasan, për veprat penale, “Plagosja e rëndë me dashje”, dhe “Prodhimi dhe mbajtja pa leje e armëve të ftohta”.
