Një sherr me thika ka ndodhur ditën e sotme në qytetin e Vlorës, ku për pasojë ka mbetur i plagosur një persona.
Sipas njoftimit zyrtar të policisë, ngjarja ndodhi rreth orës 11:00, në lagjen “Pavarsia”, ku si pasojë e një konflikti të çastit, për motive të dobëta, është goditur me mjet prerës (thikë), shtetasi F. P., 57 vjeç, banues në Vlorë.
I plagosur aktualisht ndodhet në Spitalin e Vlorës nën kujdesin e mjekëve.
Sipas News24 dyshohet se i plagosuri i kishte ngacmuar gruan autorit, megjithatë policia në njoftimin e saj për mediat nuk ka dhënë asnjë shpjegim mbi shkaqet e ngjarjes.
Teksa bëhet me dije se policia ka shoqëruar në ambientet Policore autorin e dyshuar, shtetasin P. S., dhe po punon për sqarimin e plotë të rrethanave të ngjarjes./Opinion.al
