Plagoset një person me thikë pas një sherri të ndodhur në Tiranë.
Sipas burimeve zyrtare të policisë, bëhet me dije se ngjarja ka ndodhur rreth orës 19:45, në rrugën “Dritan Hoxha”, pranë sheshit Shqiponja.
Mes dy personave ka pasur një konflikt të çastit dhe njëri prej tyre ka nxjerrë thikën.
“Si pasojë e këtij konflikti, është plagosur lehtë shtetasi M. N., 27 vjeç, banues në Tiranë, i cili u dërgua në S.Q.U., jashtë rrezukut për jetën”.
Autori është larguar menjëherë pas ngjarjes, teksa policia po punon për identifikimin dhe kapjen e tij.
