Dy persona janë plagosur me thikë dhe goditur me shkop bejsbolli të enjten në mbrëmje në Kamzë, në periferi të kryeqytetit.
Burime nga policia thanë se ngjarja ka ndodhur te tregu, ku dy djem të rinj, 23-vjeçari A.V dhe 28-vjeçari F.V., janë sulmuar dhe goditur me thikë në kofshë dhe shkop bejsbolli.
Mësohet se të rinjtë janë dërguar në spital për të marrë ndihmën e nevojshme mjekësore dhe ndodhen jashtë rrezikut për jetën.
Policia tha se autorët janë shpallur në kërkim dhe po punohet për kapjen e 24-vjeçarit J.S., dhe 20-vjeçarit K.S.
Për të zbuluar më shumë mbi shkaqet e plagosjes hetimet janë në vijim, ndërkohë që materialet iu referuan Prokurorisë së Tiranës për ndjekje të mëtejshme.
