Një sherr me thika është regjistruar ditën e sotme në Tiranë. Mësohet se pas një debati për motive që nuk dihen ende, një 17-vjeçar ka qëlluar me thikë A. B., 20 vjeç, banues në Tiranë.
Ngjarja ka ndodhur rreth orës 14:30, në rrugën “Shefqet Musaraj”. 20-vjeçari është dërguar me urgjencë në spital ku ndodhet në kujdesin e mjekëve.
“Goditi me mjet prerës një shtetas, vihet në pranga autori i dyshuar. Sekuestrohet mjeti prerës (thika) e përdorur nga autori gjatë krimit. Specialistët për Hetimin e Krimeve të Komisariatit të Policisë Nr. 2 arrestuan një të mitur 17-vjeçar, banues në Tiranë.
17-vjeçari ditën e sotme, rreth orës 14:30, në rrugën “Shefqet Musaraj”, për motive të dobëta është konfliktuar dhe dyshohet ka goditur me mjet prerës shtetasin A. B., 20 vjeç, banues në Tiranë.
Si pasojë shtetasi A. B., është dëmtuar dhe ndodhet në spital, nën kujdesin e mjekëve. Materialet i kaluan Prokurorisë, për veprime të mëtejshme procedurale”,-njofton policia.
