Policia e Tiranës ka proceduar disa të rinj që janë përfshirë në një sherr me grushte në zonën e Farkës.
Mësohet se janë proceduar në gjendje të lirë 3 persona të cilët pas një konflikti për motive të dobëta, duke qenë në gjendje të dehur, kanë goditur njëri-tjetrin me grushte.
Ndërkohë vijon puna për identifikimin dhe kapjen e personave të tjerë të përfshirë në konflikt.
“Në lidhje me një video të postuar në portale, në të cilën shfaqen disa persona që konfliktohen fizikisht me njëri-tjetrin, ju informojmë se:
Specialistët për Hetimin e Krimeve në Stacionin e Policisë Farkë kanë referuar materialet në Prokurori dhe ka nisur procedimi penal në gjendje të lirë për shtetasit:
– D. D., 28 vjeç, E. H., 35 vjeç, dhe K. Xh., 35 vjeç, të tre banues në Tiranë, për veprën penale “Dëmtime të tjera me dashje”.
Këta shtetas, pas një konflikti për motive të dobëta, duke qenë në gjendje të dehur, kanë goditur njëri-tjetrin me grushte.
Vijon puna për identifikimin dhe kapjen e personave të tjerë të përfshirë në konflikt.
Materialet i kaluan Prokurorisë, për veprime të mëtejshme procedurale”,-njofton policia./Opinion.al
