Sherret dhe debatet e vazhdueshme mes vëllezërve çuan deri në ngjarjen e rëndë të ndodhur në Tiranë, ku Arsen Muskurti, vrau me armë vëllain dhe kunatën e tij.
Pas ngjarjes u mësua se konflikti për pronën dhe një borxh pre 150 mijë eurosh ishin arsyeja e vrasjes së dyfishtë. Arseni dhe Dritani (viktima) ishin konfliktuar shumë herë me njëri-tjetrin dhe për këto debate të tyre ishin bërë dhe disa kallëzime në polici.
Ndërkohë vetëm pak ditë pas ngjarjes janë bërë publike pamje të reja nga sherret dhe konfliktet mes Arsen Muskurti dhe Dritan Muskurtit.
Pamjet, të marra nga JOQ, tregojnë një sherr mes Arsen Muskurtit (autori) dhe Dritan Muskurtit (viktima) në një nga bizneset e autorit të ngjarjes.
Siç shihet nga fotot e mëposhtme, Dritani ka dashur të sulmojë me grusht Arsenin, por është mbajtur nga dy persona, një burrë dhe një grua, ndërsa një grua tjetër qëndron në këmbë.
Ndërkohë në një skenë tjetër evidentohet se Dritani i ka shkuar shumë afër Arsenit në tavolinën e tij të punës.
Alban dhe Nora Muskurti u vranë brenda agjencisë së tyre të udhëtimeve në një rrugicë pranë xhamisë “Dine Hoxha” në Tiranë më 30 gusht.
Arsen Muskurti hyri në agjenci dhe pasi qëlloi ndaj vëllait dhe kunatës, u largua qetësisht nga vendngjarja. Ai u arrestua po atë ditë disa orë pas krimit.
