Forcat e Policisë së Korçës kanë parandaluar përshkallëzimin e një konflikti në familje ku mund të kishte pasoja të rënda për jetën. Në njoftimin e policisë thuhet se “pas marrjes së njoftimit se në fshatin Drenovë kishte konflikt në një familje, dhe se i zoti i banesës posedonte armë zjarri” forcat e policisë kanë ndërhyrë në kohë.
Gjithashtu bëhet e ditur se 66-vjeçari i arrestuar ishte konfliktuar me të birin dhe nga kontrolli i banesës policia sekuestroi një armë zjarri pushkë, municione luftarake, si edhe pajisje shpërthyese.
Materialet në ngarkim të tij, i kaluan Prokurorisë së Rrethit Gjyqësor Korçë, për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit”. /Opinion.al
