Lajm i mirë nga Kina. Më 25 mars, vendi i origjinës së koronavirusit nuk raporton asnjë rast të ri të infektimit me Covid-19, në territorin e saj. Ndaj, autoritetet kanë hequr pjesërisht masat drastike të karantinës.
Disa aeroporte dhe stacione të trenit janë rihapur por shkollat janë ende të mbyllura, sepse autoritetet kanë frikë nga një valë e re e përhapjes së virusit e shkaktuar nga rastet e importuara.
Kështu, masa të rrepta karantine janë imponuar për të gjithë ata që udhëtojnë nga jashtë. Avionët ndërkombëtar që fluturojnë për në Pekin duhet së pari të zbarkojnë në një qytet tjetër kinez në mënyrë që udhëtarët të kryejnë ekzaminimet e nevojshme mjekësore.
Deri më tani Kina ka regjistruar gjithsej 81,200 infeksione me virus dhe 3,281 vdekje. Por edhe pse aty situata është normalizuar, në Evropë dhe në SHBA situate ka përshkallëzuar, ku në Itali dhe në Spanjë situata është më e rëndë./Opinion.al
