Kandidati i Partisë Demokratike për Bashkinë Dibër, Sherefedin Shehu i është përgjigjur ministrit Damian Gjiknuri në lidhje me një deklaratë të këtij të fundit që e konsideroi një figurë të ricikluar politike.
Ish deputeti demokrat thotë se çështja e moshës është një koncept i Rilindjes, me bazën tek G99-shat. “Rilindja është rilindja e njerëzve me vese. Jam mjaftueshëm i moshuar për të mos pasur vese.”, deklaroi Sherefedin Shehu.
PS ka zgjedhur në Dibër të garojë për postin e kryebashkiakut Muharem Ramën, të cilin e ka cilësuar si një njeri që jeton me hallet e njerëzve, i di problemet e tyre dhe që përfaqëson interesat e komunitetit të gjerë e jo vetëm ngushtësisht një forcë politike.
