John Ratcliffe, drejtori i shërbimeve sekrete amerikane ka deklaruar se Kina po kryen teste për të krijuar ushtarë të modifikuar nga ana bilogjike. Në këtë mënyrë, ushtarët do të kenë kapacitete luftarake më të zhvilluar se një ushtar normal.
Ratcliffe e ka bërë këtë deklaratë pas marrjes së informacioneve nga 17 agjencitë e shërbimit sekret amerikan. Sipas tij, Kina po përgatitet të dominojë SHBA dhe gjithë botën në fushën ekonomike, teknologjike dhe ushtarake.
“Kina është rreziku më i madh për Shtetet e Bashkuara. Të dhënat nga shërbimet sekrete janë të qarta, Kina ka vullnetin për të dominuar SHBA-të dhe vendet e tjera të botës nga ana ekonomike, teknologjike por edhe ushtarake. Ata po eksperimentojnë mbi anëtarë të Ushtrisë së tyre me shpresën që të zhvillojnë ushtarë me kapacitete biologjike të zgjeruara. Nuk ka limite etike për Kinën në vullnetin për pushtet”, deklaroi Ratcliffe.
Ratcliffe në janar pritet t’i lëshojë vendin zëvendës drejtoreshës së CIA-s Avril Haines, pas betimit të presidentit të ri Joe Biden, por në një intervistë për prestigjiozen Ëall Street Journal ka lëshuar akuza të forta ndaj Kinës. / Opinion.al
