Armando Broja duket se ka qenë heroi i ndeshjeve të fundit të kombëtares, çka e konfirmoi edhe mbrëmjen e djeshme përballë Hungarisë.
“Gjithmonë kam besim, në të gjitha ndeshjet kam qejf të bëj gol dhe të ndihmoj skuadrën. Shënova, i dhashë skuadrën fitores dhe më vjen mirë. Kam qenë i dëmtuar pardje në stërvitje, dhe trajneri më pyeti a je 100% i thashë “PO” pasi për fanellën, për Shqipërinë bëj gjithçka, hyra me besim të bëj golin të ndihmoj ekipin dhe morëm 3 pikët. Për Poloninë do të shohim në stërvitjen nesër, por sot në ndeshje isha mirë, e kisha mirë këmbën”, tha futbollisti në përfundim të ndeshjes.
E ndërsa kuqezinjtë presin përballjen e fundit të martën me Poloninë për të kuptuar nëse do të kenë një vend në botëror, Broja shprehet se e beson deri në fund që mund tja dalin.
“Vendin e dytë do ta besojmë deri në fund, kemi dëshirë të luajmë në Botëror është gjë e madhe, pasi nuk jemi vend i madh por kemi shpirt, shyqyr që morëm tre pikë, duhet të jemi me këmbë në tokë dhe të përqendruar për sfidën me Poloninë”, u shpreh Broja./Opinion.al
