Ministria e Shëndetësisë ka bërë të ditur se ka shkuar në 5 numri i personave të vdekur.
Bëhet fjalë për një 49-vjeçar nga Tirana i cli ndodhej prej 13 ditë në spitalin infektiv. Sipas ministrisë së Shëndetësisë, i ndjeri vuante nga diabeti mellitus dhe ishte prej 10 ditësh në terapi intensive.
Ndërkohë, sot janë konfirmuar dhe 19 raste të reja me koronavirus, duke e çuar numrin e të infektuarve në total në 123.
Njoftimi i MSH
Në 24 orët e fundit ka ndërruar jetë një pacient i shtruar prej 13 ditësh në spitalin infektiv, 49 vjeç nga Tirana.
Pavarësisht përpjekjeve të ekipit mjekësor të spitalit Infektiv, 49 vjecari nuk arriti të mbijetojë.
I ndjeri vuante nga diabeti mellitus dhe ishte prej 10 ditësh në terapi intensive.
Ministria e Shëndetëisë dhe Mbrojtjes Sociale i shpreh ngushëllimet e sinqerta familjes së të ndjerit. Ju informojmë se, deri në këto momente kanë humbur jetën 5 persona të prekur nga COVID-19.
