Është shënuar viktima e parë nga zjarret në Shqipëri.
Bëhet me dije se viktima është shënuar në qarkun e Gjirokastrës në fshatin “Asim Zenel” dhe sipas News24 ai është një burrë i moshuar.
Siç raportohet deri më tani i moshuari sëbashku me bashkëshorten e tij janë munduar të fikin flakët, të cilat kishin ardhur në afërsi të banesës së tyre dhe ka mbetur mes zjarrit duke humbur jetën.
Nga ana tjetër mësohet se djegie të rënda në trup ka marrë dhe bashkëshortja e viktimës, e cila është duke marrë ndihmën e parë mjekësore.
Ministri Niko Peleshi është duke u nisur drejt fshatrave në Gjirokastër të cilat janë përfshirë nga flakët dhe janë duke rrezikuar banesat.
Ndërkohë kujtojmë se pasditen e sotme flakët janë bërë agresive duke rrezikuar jetën e banorëve të 2 fshatrave në Gjirokastër, teksa këta të fundit janë evakuuar./Opinion.al
