Turqia ka regjistruar rastin e saj të parë me koronavirus. Lajmin e bëri të ditur ministri i shëndetësisë, Fahrettin Koca të mërkurën në mbrëmja shkruan Anadolu Agency.
Në një konferencë për mediat, Koca tha se personi i prekur është në gjendje të mirë, ndërsa bëri thirrje që qytetarët të mos dalin jashtë vendit në rast se nuk kanë emergjencë.
“Të gjithë anëtarët e familjes dhe të afërmit e tij janë nën mbikëqyrje”, njoftoi ai duke shtuar se pacienti është infektuar në një udhëtim në Europë.
“Një rast apo disa raste (me koronavirus) nuk duhet të konsiderohen si një epidemi”, nënvizoi Koca.
Ministri turk i bëri apel qytetarëve të mos udhëtojnë jashtë vendit nëse nuk është shumë e nevojshme dhe të respektojnë udhëzimet për mbrojtje nga virusi. /Opinion.al
