Shënohet një tjetër viktimë nga koronavirusi, duke e çuar në 26 numrin e viktimave në vendin tonë.
Ministria e Shëndetësisë njoftoi se mëngjesin e sotëm ka ndërruar jetë në spitalin infektiv një paciente 64-vjeçare nga Tirana, e cila kishte edhe disa sëmundje të tjera bashkëshoqëruese.
Pacientja, ishte e shtruar në spitalin “Shefqet Ndroqi dhe ishte e intubuar prej më shumë se 2 javësh, por gjendja shëndetësore e saj është përkeqësuar mëngjesin e sotëm dhe ka bërë arrest kardiorespirator.
Sakaq, numri i të infektuarve me Covid-19 në Shqipëri ka shkuar në 518, me 24 raste të reja të konfirmuara në 24 orët e fundit./Opinion.al
