Detaje të reja kanë dalë nga ndalimi i reperit shqiptar, Noizy në Kosovë, mbrëmjen e djeshme.
Raportohet se reperi i famshëm shqiptar ka qenë në Zvicër, bashkë me disa miqtë e tij, ndërsa më pas është futur në pikën kufitare të Kosovës, në Vermicë.
Mësohet së në pikën kufitare të Vermicës, në sistemin kufitar, pasaporta e reperit ka rezultuar me shenjë të kuqe.
Ndërsa mediat kosovare kanë raportuar se ndalimi i reperit ka ardhur pasi ai ka pasur një urdhëresë nga Gjykata.
Pista e parë ku dyshohet është sherri i fortë që Noizy ka pasur me reperin kosovar, Cozman, në vitin 2016.
Kujtojmë se më 13 shtator të vitit 2016, në parkingun para një hoteli në Prishtinë ndodhi një përplasje mes dy grupeve të reperëve, ata të OTR-së nga Shqipëria dhe BabaStars nga Kosova.
Si pasojë e kësaj përleshje mbetën të lënduar disa persona, përfshirë këtu edhe Noizyn, i cili përfundoi në spital, ku iu hoq edhe një plumb pas një ndërhyrjeje kirurgjikale.
Në atë kohë, Cozman pagoi një gjobë lidhur me këtë ngjarje, ndërsa Noizy u la i lirë. Sipas Abc news, policia e kosovës e ka shoqëruar sërish Noizyn për ngjarjen e ndodhur gjashtë vite më parë.
