Çdo histori dashurie ka specifikat e saj. Por duhet bërë dallimi në një lidhje, nga partnerët që janë motivues, tek ata që në fakt shkaktojnë stres në lidhje. Përmes këtyre 4 shenjave mund të dalloni nëse jeni në një lidhje të shëndetshme ose jo.
Ndjeni gjithnjë nevojën për të përmirësuar diçka në marrëdhënien tuaj
Nëse gjatë pjesës më të madhe të kohës ndjen që duhet të rregullosh gjithnjë diçka në marrëdhënie, atëherë ndoshta nuk je me personin e duhur. Nëse ju mungon qetësia në lidhje duhet t’i rishikoni gjërat.
Keni ankth kur jeni me partnerin
Nëse jeni me njeriun që dashuroni nuk mund të ndjeni ankth apo shqetësim gjatë pjesës më të madhe të kohës. Nëse partneri ju bën të ndjeheni kështu diçka nuk po shkon mirë në lidhjen tuaj.
Nuk shprehni dot lirisht ndjenjat dhe dëshirat tuaja
Të gjithë kemi ndjenjat, dëshirat dhe aspiratat tona. Nëse kemi në krahë dikë që nuk na mbështet në ëndrrat apo dëshirat duhet menduar edhe njëherë qëndrimi me këtë person.
Nuk ndjen qetësi kur duhet të marrësh një vendim
Kur je në një marrëdhënie duhen bërë gjithmonë sakrifica nga të dyja palët. Por nëse ndjen që partneri yt nuk i mbështet zgjedhjet e tua dhe të bën të ndihesh keq, atëherë ka diçka që nuk shkon./Xh.K/Opinion.al/
