Shprehja të kundërtat tërhiqen, i ka bazat diku, dhe kush më mirë se vetë astrologjia e pohon këtë fakt. Secila shenjë ka një të kundërt në astrologji, por kjo për një arsye jo negative, por sepse plotësojnë njëri-tjetrin në mënyrën më perfekte të mundshme.
Sipas astrologjisë, këshillohet që partnerin ta zgjidhni sipas të kundërtës tuaj. Jeni kurioz se cila është e kundërta juaj? Zbulojeni si më poshtë:
Dashi – Peshorja – Një çift i krijuar në parajsë. Dashi impulsiv nuk mund të qetësohet më mirë se nga ëmbëlsia dhe paqja e Peshores. Ata plotësojnë njëri-tjetrin në çdo aspekt. Dashi si shenjë zjarri që është, ka nevojë për ajër që të rritet, dhe kush më mirë se Peshoret mundet që t’ia japi?
Demi – Akrepi – Janë të kundërt në çdo gjë, por dinë se si ta gjejnë gjuhën e përbashkët. Të dyja shenja shumë seksuale dhe në shtrat e gjejnë gjuhën e përbashkët. Impulsiviteti i akrepit, ka nevojë për durimin e Demit.
Binjakët – Shigjetari – Të dy këto shenja i ofrojnë njëri-tjetrit komoditetin e të qenit vetja. Binjakët janë shumë sportivë dhe ndonjëherë ndryshojnë mendje pa e kuptuar. Shigjetari i merr gjërat shumë lehtë, dhe nuk do bezdiset edhe aq shumë nga mëdyshjet e binjakëve.
Gaforrja – Bricjapi – Bricjapët e ftohtë dhe të rezervuar, kanë nevojë për ëmbëlsinë dhe nivelin e lartë emocional që kanë Gaforret. Asnjë shenjë tjetër nuk mund t’ia japë këtë dashuri kaq pa kushte sa ato. Jeni perfekt.
Luani – Ujori – Një shenjë me kaq ego sa Luani, askush nuk do ta përballonte më së miri se sa Ujori indiferent. Nëse për të tjerët Luanët janë dhimbje koke, për Ujorin nuk përbën problem fare. Do dijë si ta kthejë me këmbë në tokë.
Peshqit – Virgjëresha – Peshqit janë shpesh shumë të hutuar dhe të përhumbur, dhe këtu i vjen në ndihmë nacionaliteti dhe rregulli që kanë Virgjëreshat. Ata plotësohen më së miri kur bëhen bashkë.
