Shënim/ Me një timon, apo tepsi për të gjithë? Kush do të jetë fituesi i këtyre zgjedhjeve?

Vetëm pak minuta më parë është mbyllur i gjithë procesi zgjedhor, i atyre që do të njihen si zgjedhjet më të çuditshme në këto 26 vite pluralizëm. Kjo për vetë faktin se në këto zgjedhje dy forca qeverisëse garuan midis njëra-tjetrës, në një luftë të ashpër brenda llojit me akuza nga përfshirja në trafikun e drogës, për inkriminim, për blerje votash e deri në kërcënime fizike. Por po kështu edhe me një opozitë që përflitet për një flirt me Partinë më të madhe qeverisë atë Socialiste, legjenda urbane që pritet të davariten ose të zbardhen pas përfundimit të këtyre zgjedhjeve nëse do të kemi një koalicion të tillë të përbashkët qeverisës, i pari duhet thënë në llojin e tij. Po kështu kemi edhe dy forca të reja; përkatësisht “Libra” e Ben Blushit dhe Sfida për Shqipërinë e  “Gjergj Bojaxhi, që do të masin muskujt sot se sa kanë ndikuar në elektorat. Një proces zgjedhor që vjen po kështu pas një fushatë të pazakontë elektorale ku qytetarët u deshën të zgjedhin midis fjalëve tepsi, kazan, timon, kanabis, se sa për hallet që ata i mundojnë siç janë ekonomia, pensionet, taksat, shërbimi social. A do kenë një fitues këto zgjedhje dhe kush do jetë? A do të mundet Edi Rama të krijojë një qeveri me një timon? A do të mundet ta ketë tepsinë të gjithë për vete? Cili do të jetë fati i LSI-së në këto zgjedhje? Po Basha a do të ravijëzohet si një lider brenda PD-së?/ D.L