Pavarësisht se jemi në stinën e vjeshtës në Shëngjin pushimet vijojnë.
Temperaturat e larta dhe kushtet optimakle kanë bërë që me dhjetëra pushues vendas dhe të huaj të zgjedhin bregdetin e Shëngjinit, kryesisht gjatë fundjavës.
“Nga Gjakova, jetoj në Zvicër. Tani jam pensionist dhe kam zgjedhur këtë kohë për shkak të klimës sepse është klimë shumë e mirë. Hoteli ku banoj, çmimet janë shumë të mira.”
“Uji është fantazi, e papërshkueshme për këtë kohë. Akomodimi është shumë i mirë pritja shumë e mirë dhe gjithçka bukur po shkon.”
“S’ka dallim stinës së detit. Ja vlen është shumë afër Kosovës. Shumë kohë e shkurtër edhe je në vendin tënd, kënaqësi.”
Nga ana tjetër turoperatorët thonë se vijojnë ende pronotimet edhe për gjatë muajit Tetor ku nuk mungojnë as turistët polakë apo edhe ata gjermanë.
“Shumicat janë ditorë. Rrinë dy-tre netë, sidomos fundi javës, kishte shumë vizitorë. Shumica janë prej Kosove, por edhe shqiptarë, shumica nga Tirana. Të huajt kanë qenë gjermanë, polake, çekë.”
Fluksi i këtij viti në plazhin e Shëngjinit dëshmoi se mbetet në top listën e plazheve shqiptare më të preferuara për pushuesit dhe turistët./Klan News
