Vijojnë të përhapen me shpejtësi flakët në Shëngjin duke vënë në rrezik disa banesa në lagjen e Portit duke krijuar panik dhe frikë te banorët.
Prej orësh, shërbimi zjarrfikës dhe banorët e zonës janë angazhuar për shuarjen e zjarrit.
Për këtë situatë është Kërkuar ndërhyrje nga ajri me helikopterin e ushtrisë “Cougar”, ndërsa nga Italia janë nisur dhe dy avionë, të cilët do t’i vijnë në ndihmë ekipeve emergjente në Shëngjin për të vënë flakët në kontroll.
Policia dhe autoritetet lokale u kanë kërkuar pushuesve dhe banorëve të evakuohen nga zona e rrezikut.
