Një jaht është gjendur i braktisur në det mbrëmjen e së shtunës. Sipas informacioneve paraprake, mjeti lundrues është konstatuar nga Policia Kufitare në afërsi të Shëngjinit, por nuk dihet se cili është poseduesi i tij.
Në bordin e mjetit lundrues nuk është gjetur asnjë person dhe nuk janë gjetur dokumenta që tregojnë pronësinë e tij.
Mësohet se jahti ka një flamur slloven dhe ka qenë i mbajtur nën vëzhgim nga policia prej mbrëmjes së të premtes. Pritet informacioni i policisë për zbardhjen e detajeve të mëtejshme./Opinion.al
