Ky sezon veror është i mbarë për operatorët turistikë në Shëngjin. Prenotimet janë të shumta për këtë periudhë dhe muajin gusht dhe rezervimet janë mbyllur që në fillim të vitit. Por pritshmëritë janë që sezoni të zgjatej edhe përtej muajit gusht.
Melisa Shima, operatore turistike: Prenotimet kanë nisur që herët, që në muajin Janar dhe rezervimet janë të shumta si për Korrikun dhe për Gushtin. Mendoj që sezoi do të zgjasë dhe Shtatori gjithashtu do të jetë shumë i frytshëm.
Më besnikët e këtij plazhi janë pushuesit nga Kosova. Por shumë rezervime ka edhe nga turistë të huaj kryesisht të ardhur nga Europa.
Melisa Shima, operatore turistike: Turistët më të shumtë janë nga Kosova, por kemi edhe jashtë Shqipërisë siç janë Maqedonia, Gjermania, Italia, Suedia, Franca.
Shëngjini është një nga zonat më të frekuentuara në vend që zgjidhet nga vizitorë të shumtë për kushtet, natyrën, qetësinë dhe çmimet e leverdisshme./ Klan News
