Pas jetëve të humbura dhe dëmit ekonomik, pandemia COVID-19 po prek edhe shëndetin mendor.
Sipas të dhënave, në 4 muajt e parë të vitit, 718 shqiptarë u shtruan në spitalet psikiatrike. Shifra është 40 për qind më e lartë se e njëjta periudhë e vitit të shkuar.
Përhapja e koronavirusit, pasiguritë ekonomike dhe izolimi janë ndër faktorët që ndikuan tek stresi i qytetarëve, duke përkeqësuar shëndetin mendor të tyre.
Prej më shumës e 1 viti e gjysmë pandemi, popullata është duke u përballur me shumë faktorë stresorë të kombinuar së bashku, gjë që e bën akoma më të rënduar situatën dhe ruajtjen e një balance të shëndetit mendor.
