Partia Demokratike ka publikuar një urdhër të Drejtorisë së Shërbimeve Klinike të Spitalit të Shkodrës ku njoftohet për ndërprerjen e operacioneve nga data 30 dhjetor deri në datën 6 janar “për arsye të mirëmenaxhimit dhe mirëplanifikimit të mbulimit të shërbimit mjekësor të urgjencës”.
Nëpërmjet ish-deputetit, Bardh Spahia, PD ka denoncuar se ndërprerja e operacioneve në Shkodër ka ndodhur sepse shëndetësia e Rilindjes jep shërbim me racion për shkak të tejkalimit të buxhetit nga koncesioni i sterilizimit”.
“Në zbatim të udhëzimeve nga ministria, vijojnë urdhërat për ndërprerje të operacioneve edhe në spitalin e Shkodrës. Kush është planifikuar për ndërhyrje kirurgjikale jo vetëm në repartin e Kirurgjisë, por tashmë edhe në atë të Obstetrikës, duhet të presë, se shëndetësia e Rilindjes jep shërbim me racion për shkak të tejkalimit të buxhetit nga koncesioni i sterilizimit, e jo atëherë kur duhet! Shëndeti me racion, si tollonat e kohës së diktaturës! Lavdi koncesioneve PPP”, shkruan Bardh Spahia. /Opinion.al
