Kryeministri Edi Rama ka qënë i ftuar dje në emisionin e Ylli Rakipit “Të paekspozuarit”. Duke folur për reformat në shëndetësi, Rakipi i paraqet Ramës një video ku tregohen kushtet në Urgjencën e Tiranës që ndodhet në zonën e ish Bllokut. Infermieri i Urgjences te “Stadiumi Dinamo” ku vdiq vëllai i Besnik Bares për shkak të mungesës së defibrilatorit, denoncon mungesat më elementare të Shërbimit mjekësor. Infermieri tregon se si në tualetet e Urgjencës mungon uji, një nga elementët kryesorë të higjenës në shëndetësi. Kushtet në video duken shumë larg të qenit një Urgjencë mjekësore. Nga ana tjetër, pasi kryeministri pa pamjet filmime, u shfaq i nervozuar duke kruajtur dorën dhe duke u munduar të justifikohej me fjalinë
“Unë nuk kam thënë i kemi bërë të gjitha, kam thënë kemi bërë shumë”.
Më pas Rama sulmoi infermierin duke e quajtur karagjoz, dhe duke u munduar të shfajësohet për reformat që ka bërë në këto katër vite, ku duket se një nga Urgjencat më të rëndësishme të kryeqytetit është lënë në mëshirë të fatit./Opinion.al
