Kryesore

“Shëndetësia falas gënjeshtër kriminale”, Basha flet me shifra konkrete


               Publikuar në : 13:00 - 21/02/20 |
Al Do

Kreu i Partisë Demokratike, Lulzim Basha denoncoi sot problemet në sistemin e shëndetësisë që sipas tij “nisin dhe bazohen mbi gënjeshtrën e madhe të shëndetësisë falas”.

Në konferencën e organizuar nga PD dhe Fondacioni Kondrad Adenauer “Sfidat dhe Zgjidhjet në Shëndetësi”, Basha tha se buxheti i shëndetësisë në Shqipëri është tre herë më pak se Bosnja.

Buxheti i shtetit për shëndetësinë është 115 dollarë për frymë, tre herë më pak se Bosnja. Nuk janë koncesione dhe PPP. Janë vjedhje me kosto 35-40 milionë euro në vit. Me këtë shumë, sistemi shëndetësor mund të sillet në parametra të pranueshëm. Problemet janë të qarta. Nisin dhe bazohen mbi gënjeshtrën e madhe të shëndetësisë falas. Shëndetësi falas nuk ka dhe nuk mund të ketë. E ka thyer në mes shëndetësinë. Centralizimi i sotëm ka tejkaluar edhe parametrat e regjimit komunist. Arsyeja nuk qendron tek mungesa e vizionit, por tek vjedhja e kësaj qeverie, tek paaftësia dhe keqmenaxhimi i institucioneve shëndetësore, keqpërdorimi politik i tyre, gjë që është kriminale”, theksoi Basha.

Ai foli dhe me shifra konkrete në rast se partia e tij do të ishte në qeverisje.  Basha premtoi se pagat e personelit shëndetësor do të rriten në 1200 euro në muaj për mjeket dhe 700 euro në muaj për infermierët, ndërsa shtoi se nuk premton standardet e Zvicrës dhe as Gjermanisë në këtë sektor.

Pagat e personelit shëndetësor do te rriten ne 1200 Euro ne muaj për mjeket dhe 700 Euro ne muaj për infermieret. Do te rrisim numrin e barnave te rimbursueshme. Ne Shqipëri do te futen vetëm barna nga vende te origjinës se sigurte, qe nuk dëmtojnë shëndetin e shqiptareve. Nevojitet liberalizim i paketave shëndetësore sipas nevojave të pacientit. Shqiptarët nuk do te blejnë me barna nga xhepi, nuk do te duhet te paguajnë bakshishe nen dore.”, pohoi lideri i PD-së. /Opinion.al

Pas