Kreu i PD-së, Lulzim Basha, të martën, reagoi ashpër ndaj dhunës policore të ushtruar ndaj banorëve të bregdetit të Jalit.
Basha tha se i gjithë synimi i kësaj dhune është grabitja e pronës nga oligarkët e Ramës.
Kreu i demokratëve, paralajmëroi padi ndaj kryeinspektorit të IKMT-së, Fatmir Metaj.
Ai tregoi se në vitin 1998, Metaj ka shoqëruar vrasësit e Azem Hajdarit, duke qenë në krye të policisë së Tropojës.
“Fatmir Meta është ish-shefi i komisariatit të Tropojës në periudhën më të errët. Në makinën e tij udhëtoi më 12 Shtator 1998 banda që ekzekutoi heroin e demokracisë Azem Hajdarin. Po me atë makinë u kthyen drejt Tropojës. Këto janë bëmat e Fatmir Metës“, tha Basha.
Basha pati një paralajmërim edhe për Ramën.
Ndërsa padronit të tij, Edi Ramës i jap këtë paralajmërim: Një fije floku po ju prek një deputeti apo përfaqësuesi të opozitës nga banditi Fatmir Meta apo banditët e tjerë, përgjegjësinë do ta mbash ti Edi Rama në kokën tënde“, deklaroi kryedemokrati Lulzim Basha.
/Opinion.al
