Fabromat po shembin disa objekte tek rrethrrutullimi i i “Shqiponjës” në Laprakë për ti hapur rrugë ndërtimit të Unazës së Madhe. Por edhe në këtë zonë ashtu si tek Unaza e Re, IMT (në varësi të bashkisë) ka hasur në rezistencën e banorëve.
Bajram Nela që ka një shtëpi dykatëshe (shihni fotot) shprehet se nuk e liron banesën pa dalë vendimi i gjykatës. “Do rezistojmë deri në pikë të fundit nuk e lëshojmë shtëpinë. Erioni nuk mund të më gënjejë me karamele. Kam 30 vjet që punoj për këtë shtëpi. Banesa ishte në proces legalizimi por është skualifikuar. E kemi ankimuar pasi vendimi i skualifikimit nuk është vendimtar dhe presim fjalën e drejtësisë. Kur gjykata të thotë që projekti i Unazës së Madhe është i ligjshëm dhe të marrë vendim për banesën time atëherë unë zbatoj vendimin e gjykatës. Unë e njoh ligjin dhe dua që shteti të zbatojë ligjin. Policia ka ardhur pa dokumente për të prishur vendimin”, shprehet ai për mediat.
