Forca të shumta të Teatrit Kombëtar kanë ndërhyrë mbrëmjen e djeshme për të nxjerrë jashtë godinës aktivistët që po kalonin atje natën. Anëtarë të opozitës dhe Aleancës për Teatrin janë shoqëruar në ambjentet e policisë.
Mes të shoqëruarve ka qenë edhe kryetarja e LSI, Monika Kryemadhi.
“Isha bashkë me ta. Besoj se një pjesë të tyre i kanë shpërndarë nëpër komisariate sipas vendbanimeve. Bashkë në dhomën e qëndrimit me mua ishte dhe një vajzë, përfitoj nga rasti t’i njoftoj dhe familjarët e saj që është mirë, një vajzë me kacurrela bjonde, e Lëvizjes Vetëvendosje nga Skrapari ishte.”- tha Kryemadhi.
Kryemadhi ka akuzar ashpër kryeministrin Rama dhe thotë se themelet e kullave tek Teatri do të jenë varri i tij. Madje ajo thotë se tashmë duhet braktisur edhe gjendja e fatkeqësisë natyrore dhe rregullat e vendosura nga qeveria.
“Iu bëj thirrje të gjithë qytetarëve shqiptarë të mos e njohin shtetin e Edi Ramës. Mos të njohin asnjë gjë, që është mbijetesë. Mos e përdorni fjalën revolucion se na shqetësohen ambasadat, iu duket fjalë e keqe por harrojnë që këlyshët e komunizmit i kanë aty dhe me ndihmën dhe pazaret e tyre.
Prandaj dua të them që nuk më ngelet gjë tjetër vetëm të lutëm për paqen e shpirtit të Edi Ramës se kam përshtypjen që ato themelet e kullave që mendon që do të ngrihen aty do të jenë varri i tij aty do të gjejë dhe fundin e tij. I bëj thirrje edhe drejtësisë që vazhdon dhe flen gjumë dhe që gënjën. Të fillojë të na hetojë ne, që kundërshtuam policinë, të fillojë të na arrestojë ne që mbrojtëm shqiptarinë sepse mesa duket drejtësia shqiptare vazhdon haj dhe pi në ditëlindjet e deputetëv të Partisë Socialiste.
Po sigurisht që duhet braktisur të mos rrinë më se do t’i mbysi. Një njeri që thotë deri në 17.30 rri virusi rrugëve. Shqiptarëve iu është ngritur mendja leje, orar ndalimi, të ndaloi policia, rregulli, urdhër”- tha ajo. /Opinion.al
