Në Ditën Kombëtare të Trashëgimisë Kulturore, SPAK ka nisur të marrë në pyetje personat në lidhje me shembjen e godinës së Teatrit Kombëtar.
Mësohet se Prokuroria e Posaçme Kundër Korrupsionit ka bashkuar në një çështje të vetme 6 kallëzimet e Aleancës për mbrojtjen e Teatrit Kombëtar.
Aktivistët e aleancës kanë kërkuar që të hetohet prishja e Teatrit si dhe procedurat e kryera për tu arritur deri në shembjen e godinës.
Ata kanë ngritur padi penale për një numër personash ndër të cilët edhe kryetari i Bashkisë së Tiranës, Erion Veliaj, ministri i Brendshëm, Sandër Lleshaj dhe drejtori i Policisë së Shtetit, Ardi Veliu.
Ata akuzohen nga Aleanca për Mbrojtjen e Teatrit për veprën penale ” Vrasje të mbetur në tentativë” mëngjesin e 17 Majit. /Opinion.al
